მაია ბურჭულაძის დეტექტივების სერია შედგება 7 ტომისგან. მასში შესულია 16 რომანი. ამ თექვსმეტივე რომანის მთავარი მოქმედი გმირია ჟურნალისტი დიმიტრი ძნელაძე. დიმიტრი პარიზში ცხოვრობს, მაგრამ ხშირად უწევს საქართველოში ჩამოსვლა. პროფესიით ჟურნალისტი თავისი დაუდგრომელი ბუნებისა თუ ბედის წყალობით ხშირად ხვდება უცნაურად საინტერესო ამბების შუაგულში და თანდაყოლილი ცნობისმოყვარეობის დაკმაყოფილების მიზნით იგი იწყებს ჩახლართული კრიმინალური ისტორიების გამოძიებას.

სერიაში რომანები ქრონოლოგიურადაა დალაგებული, რაც მკითხველს საშუალებას მისცემს, მთელი სერია, როგორც ერთი მთლიანი წიგნი ისე წაიკითხოს.