დამხმარე სახელმძღვანელოში პირველად ქართულ საგანმანათლებლო სივრცეში ქართული ენისა და ლიტერატურათმცოდნეობის რთული თეორიული და პრაქტიკული საკითხები წარმოდგენილია მარტივად აღსაქმელი ტაბულებისა და სქემების სახით, რაც მკითხველს გაუიოლებს მასალის გაგებას, დამახსოვრებასა და შესწავლას.

წიგნი ორ ნაწილად გამოიცემა. პირველ ნაწილში შეტანილია ქართული ენის გრამატიკისა და ლიტერატურის თეორიის საკითხები, აგრეთვე, სავარჯიშოები ცოდნის შესამოწმებლად და განსამტკიცებლად.

მეორე ნაწილი მთლიანად დაეთმობა ქართული ლიტერატურის ისტორიას. დამხმარე სახელმძღვანელო ერთგვარი წიგნი-რეპეტიტორია, რომელსაც პრაქტიკული დანიშნულება აქვს და განკუთვნილია სკოლის მოსწავლეების, აბიტურიენტების, სტუდენტებისა და მასწავლებლებისათვის. იგი გამოადგება ყველას, ვისაც სურს შეისწავლოს ქართული ენის, ლიტერატურის თეორიისა და ქართული ლიტერატურის ისტორიის საკითხები.