ათასობით წიგნს შორის, რომელიც დანტე ალიგიერის ეძღვნება, ჯოვანი ბოკაჩოს (1313-1375) „დანტეს ცხოვრება“ პირველია. დანტეს პიროვნებისა და თხზულებების მიმართ ცხოველი ინტერესი ბოკაჩოს მთელ ცხოვრებას მიჰყვება, ამიტომ „დეკამერონის“ ავტორი დანტეს პირველ ბიოგრაფად და ერთ-ერთ პირველ კომენტატორად გვევლინება. დანტეს „კომედიას“ სწორედ ბოკაჩომ უწოდა პირველად „ღვთაებრივი“, რაც, დანტესეულ სათაურთან ერთად, საბოლოო ჯამში, ამ თხზულების სახელწოდებად დამკვიდრდა.