“მრავალი წელი ორი ბატონის მსახური ვიყავი და მთელი ეს ხანი ვამჩნევდი, რომ არსებობენ ხელოვნების მსახურნი, რომლებსაც სულ არ აინტერესებთ სპორტი, მეტადრე – ფეხბურთი. საბედნიეროდ, ასეთები არც ისე მრავლად არიან. და პირიქით, მე ვიცნობდი სპორტსმენებს და თავგადაკლულ გულშემატკივრებს, რომლებისთვისაც ხელოვნება, კერძოდ კი თეატრი, ნამდვილი ქიმერაა. სამწუხაროდ, ასეთები მრავლად არიან. ეს ყოველთვის გულს მტკენდა და მაღიზიანებდა კიდეც. ჰოდა, ერთხელაც ასეთმა აზრმა გამიელვა: იმგვარი წიგნი დამეწერა, პირველებისთვისაც საინტერესო ყოფილიყო და მეორეებისთვისაც. ამ წიგნს რომ წაიკითხავენ, სპორტსმენები უფრო მეტს შეიტყობენ მსახიობებისა და ხელოვნების შესახებ, მსახიობები კი – სპორტსა და სპორტსმენებზე. ამით აიხსნება ის, რომ ჩემს ნაწერში ხელოვნება და სპორტი გამუდმებით შეენაცვლება ერთმანეთს.” – კოტე მახარაძე

ეძღვნება კოტე მახარაძის დაბადებიდან 95 წლის იუბილეს.