ავტორთა ჯგუფი, გია მურღულიას ხელმძღვანელობით, წარმოგიდგენთ IX კლასის დამხმარე სახელმძღვანელოს ქართულ ლიტერატურაში. წიგნი, სტანდარტის შესაბამისად, სამი ნაწილისგან შედგება. თითოეული ნაწილი ოთხ თავს შეიცავს:

1. ადამიანი და მისი ცხოვრება:
ა) ყოველ დღეს მოაქვს რაღაც ახალი;
ბ) სიყვარული აგვამაღლებს;
გ) შენ – ადამიანი;
დ) ტოტალიტარიზმი.

2. სამყაროს შეცნობა, ახლის ძიება:
ა) ჟამი – ყველაფრის მქმნელ-გარდამქმნელი;
ბ) სიცოცხლეო, მამულო;
გ) ქართული ანბანი;
დ) ადამიანი და ბუნება.

3. მარადიული ძიებები:
ა) იგავთა სიბრძნე;
ბ) ადამიანის დანიშნულება და სიცოცხლის საზრისი;
გ) თავისუფლება;
დ) ღირსება.

გარდა ამისა, წიგნს ერთვის ლიტერატურის თეორიის საკითხები და რჩევები ზეპირმეტყველების, კითხვისა და წერისთვის.
წიგნი ინფორმაციული და საინტერესოა; ქართველი და უცხოელი მწერლებისა და საზოგადო მოღვაწეების ბიოგრაფიული ცნობების გარდა, არის მოწოდებული მნიშვნელოვანი ცნობები მათ შესახებ. ამასთანავე, შერჩეულია ისეთი ლიტერატურა, რომელიც ბევრ საფიქრალს აღუძრავს და ინტერესს გაუღვივებს მეცხრე კლასელს.

ყდის გარეკანზე გამოყენებულია გელათის ბარელიეფი.